कविताः धर्मसंकटमा बा

केटाकेटी झैँ ललिपप देखेर
मख्ख पर्नु भो बा !
र खुसुक्क गएर ल्याप्चे हान्नु भो
यो सोँच्नुभएन बा’ले
मरुभूमिमा कसैले फूल रोप्दैन

यसै त घरका भित्ताहरु
घरभित्रकै भ्रष्ट मुसाले खोलेर केही छैन
स्वार्थी धमिरा र धुलिया लागेर केही छैन
घरको भित्ता बलियो भए पो
घरका झ्यालढोकाहरु बलिया हुन्छन्
घरको मुल खाँबो बलियो भए पो
घर बलियो हुन्छ

न भित्तालाई मसीको आड छ
न मसीलाई पसेतको विश्वास छ
न पसेतलाई धुरीखाँबोको आधार छ
न धुरीखाँबालाई जगको भरोसा छ
धुलिया लागेर सप्पै सप्पै मक्किँदै जाँदै छ

यीमध्ये कुनै एउटा विश्वास ढल्यो भनेपनि
घरलाई कति खतरा छ
मक्किएका काठ आफैंले फेर्ने कि
उसँग गुहार माग्ने
जसले हाम्रो घर भत्केको हेर्न चाहन्छ

लाग्छ
घरको मुल खाँबो बलियो नभएर हो
धमिरा, धुलिया र मुसा बनेर लंका बेच्ने विभुषण
र बाली मार्ने सुग्रीब घरभित्र छिर्न खोजेको

जब सडकमा ओर्लेर विरोधमा
आफ्नै केटाकेटीले बाल्न थाले टायर
हान्न थाले ढुंगा
फुटाउन थाले झ्याल ढोका र दराजका शिशाहरु
बसेर टुलुटुलु घरमा धमिरा लागेको हेरुँ कि
खाईसकेको ललिपप बान्ता गरुँ ?

साँच्चै यतिबेला
निकै धर्मसंकटमा हुनुहुन्छ बा !

कविताः धर्मसंकटमा बा

कविताः धर्मसंकटमा बा

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय