Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । यस बर्षको श्रीकृष्ण जन्माष्टमीको पावन अबसरमा गोरखा जिल्ला सिरानचोक गाउँपालिका-५ मा अवस्थित छोप्राक फौदर गाउँमा विषेश कार्यक्रम गरिने भएको छ । कृष्ण जन्माष्टमीको अवसर पारेर सिरानचोक गाउँपालिकाको आर्थिक बर्ष २०७९/०८० बजेट अन्तर्गत कुल १० लाख (दशलाख रुपैयाँ) र स्थानीयवासीको श्रमदानमा नवनिर्मित श्री राधाकृष्ण मन्दिरको समुदघाटन, प्राण प्रतिष्ठा, भागवत वाचन, लक्षदीप प्रज्वलन तथा पितृ उद्धार कार्यक्रम आयोजना गर्न लागिएको हो ।
यहाँको पुरानो कृष्ण मन्दिर नवनिर्माण सम्पन्न भएसंगै सोही दिन मन्दिरमा श्री राधाकृष्णको मुर्ति स्थापना गरेर प्राण प्रतिष्ठा, भागवत कथावाचन, हवन तथा लाख बत्ती प्रज्वलन कार्यक्रम समेत राखिएको छ । उक्त कार्यक्रमको उद्घाटन गण्डकी प्रदेश सरकारका मुख्यमन्त्री सुरेन्द्रराज पाण्डेले गर्ने कार्यक्रम छ ।
साथै, भागवत वाचन चिरपरिचित धर्मगुरु वाचन प्रविण भागवताचार्य पं. श्री रामहरि सिग्देलबाट भागवत कथा वाचन गर्ने कार्यक्रम रहेको छ । गाउँपालिकाबाट विनियोजित बजेटले मन्दिर मात्र बनेपछी मुर्ति खरिद तथा अन्य कार्यक्रमको लागी स्थानिय युवाहरुले चन्दा संकलन समेत गरेका छन् ।
हाल सम्म चन्दा संकलनबाट साढे दुई लाख रुपैयाँ जम्मा भएको मन्दिर व्यवस्थापन समितिका संयोजक शिव चन्द्र पोखरेलले जानकारी दिए । उक्त रकम मुख्य र अन्य मुर्ति खरीद, मन्दिर ब्यवस्थापन तथा एकाहा लगाउन खर्च गरिने मन्दिर ब्यवस्थापन संयोजक पोखरेलले जानकारी दिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
