
Apr 05 2025 | २०८१, चैत २३ गते
काठमाडौं । कावासोती खानेपानी संस्थाको हलमा शुक्रबार आयोजित एक कार्यक्रममा कावासोती नगरपालिका अन्तर्गत खानेपानीको कार्यक्षेत्र भित्रका १० वटा विद्यालयलाई एक-एक लाखका दरले चेक हस्तान्तरण गरिएको हो ।
कार्यक्रमका प्रमुख अतिथि कावासोती नगरपालिकाका मेयर बिष्णुप्रसाद भुसालले ती विद्यालयका प्रधानाध्यापकहरुलाई एक समारोहबीच शुक्रबार चेक हस्तान्तरण गरेका हुन् ।
संस्थाका अध्यक्ष दिपकराज लम्सालले खानेपानी संस्थाको सामाजिक उत्तरदायित्व अन्तर्गत सामाजिक विद्यालयको संस्थागत बिकासमा टेवा पुर्याउन एक-एक लाख रुपैयाँ नगद हस्तान्तरण गरिएको जानकारी दिए ।
उनले आगामी वर्ष पनि ती विद्यालयमा नगद थप्दै जाने र कम्तिमा ५-५ लाखको हरेक विद्यालयमा अक्षयकोष स्थापना गर्ने जानकारी दिए ।१७ वटा वडा रहेको कावासोती नगरपालिका अन्तर्गत खानेपानी संस्थाको क्षेत्र भित्र पर्ने ६ वटा वडाका १० विद्यालयलाई अक्षयकोष स्थापना गर्न सहयोग गरिएको उनले बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij