Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । युक्रेनसँगको युद्धको बीचमा रूसी राष्ट्रपति भ्लादिमिर पुटिनले रक्षामन्त्री सर्गेई शोइगुको सरूवा गर्न लागेका छन् । ६८ वर्षीय शोइगुले सन् २०१२ देखि रूसको रक्षा मन्त्रालयको जिम्मेवारी सम्हाल्दै आएका छन् ।
अब शोइगु सुरक्षा परिषद्को प्रमुखमा नियुक्त हुनेछन् । राष्ट्रपति भवनबाट जारी विज्ञप्तिमा शोइगुको स्थानमा उपप्रधानमन्त्री आन्द्रेई बेलोसोभले रक्षा मन्त्रालयको जिम्मेवारी सम्हाल्ने बताइएको छ ।
युक्रेनसँग चलिरहेको युद्धमा शोइगुको महत्वपूर्ण भूमिका रहेको छ । रूसी सरकारी दस्तावेजबाट पुटिनले शोइगुलाई सुरक्षा परिषद्को प्रमुखको महत्वपूर्ण जिम्मेवारी लिन चाहेको खुलासा भएको छ ।
शोइगुलाई पुटिनको नजिक मानिन्छ र कुनै सैन्य अनुभव बिना रक्षाको जिम्मेवारी दिइएको थियो ।
शोइगु पेशाले सिभिल इन्जिनियर हुन् । सन् १९९० मा शोइगु आपत्कालीन र विपद् राहत मन्त्रालयको प्रमुख निर्वाचित भएका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
