Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । नेपाल मेडिकल काउन्सिलका पूर्व अध्यक्ष एवं वरिष्ठ मुटु रोग विशेषज्ञ प्राडा भगवान कोइरालाले स्वास्थ्य सेवामा राज्यले लगानी गर्ने र सहजीकरण गर्ने अवस्था आएको बताएका छन् । सोमबार नेपाल स्वास्थ्य सम्मेलन दोस्रो संस्करणको उद्घाटन सत्रलाई सम्बोधन गर्दै स्वास्थ्य सेवामा राज्यले लगानी गर्ने र सहजीकरण गर्ने अवस्था आएको बताएका हुन् ।
उनले नेपालमा अब स्वास्थ्य सेवाका मोडलहरुका बारेमा चर्चा गर्ने बेला आएको समेत बताए । स्वास्थ्य जनशक्ति उत्पादन मात्रै नभई गुणस्तरीय सेवा दिन सक्ने जनशक्ति उत्पादनमा ध्यान दिनु पर्ने कोइरालाको भनाइ छ । ‘कार्यान्वयनमा ध्यान दिनुपर्यो जनशक्ति उत्पादनमा मात्रै नभई गुणस्तरीय जनशक्ति उत्पादनमा ध्यान दिनुपर्ने छ’ उनले भने, ‘ अहिले हामी उचित जनशक्ति बिना नै काम गरिरहेका छौँ ।’
उनले स्वास्थ्यकाे जिम्मेवारी सरकारले मात्रै न लिएर आम नागरिकले पनि लिनुपर्ने तर्क गरे । स्वास्थ्य क्षेत्रमा आवश्यकता पहिचान गर्ने उद्देश्यले काठमाडौँमा नेपाल स्वास्थ्य सम्मेलनकाे दोस्रो संस्करण जारी छ । सम्मेलनका क्रममा विभिन्न ६ वटा विषयमाथि विज्ञहरूका बिचमा छलफल हुँदैछ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
