Logo

Apr 05 2025 | २०८१, चैत २३ गते

Apr 05 2025 | २०८१, चैत २३ गते

छाना उडाउँदा विद्यार्थीलाई बिचल्ली

छाना उडाउँदा विद्यार्थीलाई बिचल्ली

  • काठमाडौं । हावाहुरीका कारण विद्यालयको छाना उडाएपछि मंगलसेन नगरपालिका –१३ बस्तीको एक विद्यालयका विद्यार्थी बिचल्लीमा परेका छन् । बस्तीमा रहेको शिशुसुधार आधारभूत विद्यालयको छाना बुधबार बेलुकी आएको हावाहुरीले छाना उडाएपछि समस्या भएको छ । 

    जस्तापाताको छाना उडाएपछि गर्मीको समयमा विद्यालयको प्राङ्गणमा कक्षा सञ्चालन गर्नुपरेको प्रधानाध्यापक धर्मबहादुर नेपालीले जानकारी दिनुभयो । छानासँगै कक्षा कोठामा रहेका केही डेस्कबेञ्च र अन्य सामग्रीमा समेत क्षति पुगेको छ । 

    हावाहुरीले एक छेउको जस्तापाता उडाएर अर्कोतिर पुगाएको प्रधानाध्याक नेपालीको भनाइ छ । सो विद्यालयमा हाल एकसय ५५ विद्यार्थी अध्ययनरत रहेका छन् ।  छाना उडाएको र विद्यार्थीलाई कक्षा कोठामा बसेर पढ्न समस्याका बारेमा मंगलसेन नगरपालिकाको शिक्षा शाखामा जानकारी समेत गराइ सकेको भनाइ छ ।

    शुक्रबार कार्यालयमै आएर आफूले छानाको मर्मतका लागि पहल गर्ने प्रधानाध्यापक नेपालीको भनाइ छ । एक वर्षअघि करिब ६ लाख रुपियाँ खर्च गरेर सो भवनलाई भूकम्प प्रतिरोधी बनाएर पुनरनिर्माण गरिएको बताइएको छ ।  

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij