Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । लुम्बिनी विकास कोषका योजना प्रमुख इन्जिनियर सरोज भट्टराईविरूद्ध पदीय मर्यादा विपरीतका कार्यहरू गरी गैरकानुनी सम्पत्ति आर्जन गरेको आरोपमा अख्तियार दुरूपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको छ ।
लुम्बिनी विकास कोषका इन्जिनियर भट्टराईविरूद्ध गैरकानुनी सम्पत्ति आर्जनको आरोपमा आरोपपत्र दायर गरिएको आयोद्वारा जारी विज्ञप्तिमा उल्लेख छ ।
भट्टराईले कोषमा ठेक्काको काम गर्ने निर्माण सेवाका प्रोपराइटरबाट घुस रकम लिई आमा जनक नन्दनी भट्टराईको नाममा भक्तपुरको गुण्डुमा जग्गा खरिद गरेको अख्तियारको ठहर छ ।
अख्तियारले भट्टराईकी आमा जनक नन्दनीलाई पनि छोराको मतियारको रुपमा कसुरदार ठहर गर्दै उनको नामको जग्गा जफत र बराबार बिगो र कैद सजाय मागदाबी गरिएको छ ।
दुवैका लागि ८० लाख रुपैयाँ बिगो कायम गरिएको छ । कोषका इन्जिनियर भट्टराई नवलपरासीको रामग्रामस्थित कोषको जग्गा व्यक्तिलाई भाडामा दिने प्रकरणमा पनि जोडिएका व्यक्ति हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
