Apr 08 2025 | २०८१, चैत २६ गते
Apr 08 2025 | २०८१, चैत २६ गते
काठमाडौं । अख्तियार दुरूपयोग अनुसन्धान आयोगले टीकापुर जग्गा घोटाला प्रकरणमा २४९ जनाविरुद्ध मुद्दा चलाउने भएको छ । बिहीबार बसेको अख्तियारको बैठकले टीकापुरको बजार क्षेत्रमा रहेको ३० बिघा सरकारी जग्गा घोटाला प्रकरणमा २४९ जनाविरुद्ध विशेष अदालतमा मुद्दा लैजाने निर्णय गरेको हो ।
काठमाडौंको ललिता निवासभन्दा ठूलो भ्रष्टाचारका रुपमा परिचित टीकापुर जग्गा प्रकरणको फाइल अख्तियारले बिहीबार नै विशेष अदालत पठाएको छ । बजार क्षेत्र वरिपरिको करिब ३० बिघा सरकारी जग्गा टीकापुर विकास समितिका पदाधिकारीको नाममा दलका कर्यकर्ता र उनीहरूका आफन्तलाई वितरण गरिएको थियो ।
अनुसन्धानका क्रममा जग्गा वितरणमा अनियमितता भएको पाइएपछि मुद्दा चलाउने निष्कर्षमा अख्तियार पुगेको हो ।
अख्तियारले टीकापुर विकास समितिका सबैजसो पदाधिकारीलाई प्रतिवादी बनाउने भएको छ । उनीहरु अधिकांश अछाम जिल्लाका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
