May 24 2025 | २०८२, जेठ १० गते
May 24 2025 | २०८२, जेठ १० गते
प्रमाणहरुको थप विश्लेषण भइरहेकाले समय अभाव भएकाले आज मुद्दा दर्ता गर्न नसकिएको
काठमाडौं । गत चैत १५ गते काठमाडौंको तीनकुनेमा राजावादी समूहले गरेको हिंसात्मक प्रदर्शनमा संलग्नविरुद्ध आइतबार मात्र मुद्दा दर्ता हुने भएको छ । प्रमाणहरुको थप विश्लेषण भइरहेकाले समय अभाव भएकाले आज मुद्दा दर्ता गर्न नसकिएको जिल्ला सरकारी वकिलको कार्यालयले जनाएको छ ।
सरकारी वकिल कार्यालयका प्रमुख रामहरि शर्माले भने, ‘आजै दर्ता गर्ने तयारी थियो । तर समय अभावले नभ्याइएकाले अब आइतबारमात्रै दर्ता गर्छौं ।’ प्रहरीको अनुसन्धान फाइल अध्ययन गरेपछि कसलाई के मुद्दा लगाउने भन्ने यकिन गरेर मुद्दा दर्ता गर्नुपर्ने शर्माले जानकारी दिए ।
प्रहरीले अनुसन्धान सकेर हिजो बिहीबार प्रतिवेदन बुझाए लगत्तै सरकारी वकिलको कार्यालय आजै अभियोजनको तयारीमा जुटेको थियो । संगठित अपराधको मुद्दामा अनुसन्धान गर्न पाउने ६० दिनको समय सकिन लागेकाले मुद्दा दर्ता प्रक्रिया अघि बढने भएको हो । प्रहरीले अनुसन्धान प्रतिवेदनमा ६१ जनाभन्दा बढीलाई मुद्दा चलाउन सिफारिस गरेको छ ।
 (1).gif)
घटनामा संलग्न रहेको आरोपमा एक सयभन्दा धेरै पक्राउ परेकोमा ५३ जना प्रहरी हिरासतमा रहेका छन । अरु हाजिरी जमानीमा रिहा भएका छन ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
