Logo

Apr 04 2025 | २०८१, चैत २२ गते

Apr 04 2025 | २०८१, चैत २२ गते

करोडौंमा बिक्री हुँदैछ सलमान खानको पेन्टिङ

करोडौंमा बिक्री हुँदैछ सलमान खानको पेन्टिङ

  • काठमाडौं । बलिउडका सुपरस्टार सलमान खान राम्रा चित्रकार पनि हुन् । सलमान खानको चित्रकलाका प्रशंसक पनि धेरै छन् । अब तपाईं पनि उनले बनाएको पेन्टिङ खरिद गर्न सक्नुहुन्छ ।

    सलमान खानले आफ्नो ‘युनिटी १’ नामक पेन्टिङलाई आर्टफाई नामक इन्स्टाग्राम पेजको सहयोगबाट बेचिरहेका छन् । यो सुन्दर पेन्टिङको मूल्य भने करोडौंमा छ ।

    ‘यूनिटी १’ पेन्टिङलाई सलमान खानले सन् २०२२ मा बनाएका थिए । यसमा दुई धर्मका व्यक्तिलाई एकसाथ देख्न सकिन्छ । दुवैले फरक तरिकाले सलाम गरिरहेका छन् ।

    पेन्टिङमा एउटा व्यक्तिको निधारमा रातो टिका छ भने दोस्रोले टोपी लगाएको छ । यो पेन्टिङको मूल्य तीन लाख डलर अर्थात लगभग चार करोड रुपैयाँ लगाइएको छ ।

    यो एकदमै सीमित संस्करण पेन्टिङ हो, जो दश हजार प्रति बेचिनेछ । सलमान खान स्वयंले यसबारेमा बताएका थिए । अभिनेताले भनेका थिए कि अब उनले बनाएको पेन्टिङलाई सबैले खरिद गर्न सक्नेछन् ।

    यसले धेरै प्रशंसक खुशी पनि भएका थिए । तर, जब यसको मूल्य सार्वजनिक गरियो धेरैले जिब्रो टोकेका छन् । यति महंगो पेन्टिङ कसले खरिद गर्छ भनेर प्रश्न गर्नेको संख्या पनि उल्लेख्य छ ।

    यो सलमानले बनाएको पहिलो यस्तो पेन्टिङ हो जुन बिक्रीमा राखिएको छ । अगाडि अरु तस्वीर पनि लिलाम हुनेछन् ।

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij