Apr 19 2025 | २०८२, वैशाख ६ गते
Apr 19 2025 | २०८२, वैशाख ६ गते
काठमाडौं । काठमाडौंस्थित पशुपति आर्यघाटमा चितवनस्थित शिशु निकेतन स्कुलको छात्रवासमा मृत भेटिएकी बालिका शालीन पोखरेलको अन्त्येष्टि गरिएको छ ।
मृतकका बुवाले १४ वर्षीया छोरी शालीनको पार्थिव शरीरमा दागबत्ती दिएका थिए । उनको अन्तिम संस्कारमा आर्यघाटमा आफन्तसहित शुभेच्छुकहरुको बाक्लो उपस्थिति थियो । त्यहाँ उपस्थित आफन्तले शालिनको मृत्यु प्रकरणमा निष्पक्ष छानबिनको माग गरेका थिए ।
आफन्तले शालीनको बलात्कारपछि हत्या भएको दाबी गरिरहँदा पोष्टमार्टम रिपोर्टमा भने झुन्डिएर आत्महत्या भएको उल्लेख छ । उनको हत्या भएको किटानी जाहेरीका आधारमा प्रहरीले स्कुलका प्रिन्सिपल, भाइस प्रिन्सिपल र होस्टलको वार्डेनलाई पक्राउ गरेर अनुसन्धान थालेको थियो ।
पक्राउ गरिएका रत्ननगर नगरपालिका–१० बस्ने ६० वर्षीय बालहरी देवकोटा, ४० वर्षीय किरण बहादुर अधिकारी र ४८ वर्षका कमल शर्मा पौडेललाई चितवन अदालतले सोमबार थुनामा राखेर अनुसन्धान गर्न प्रहरीलाई चार दिनको समय दिएको छ ।
घटनास्थलमा भेटिएको सुसाइड नोट परीक्षणका लागि प्रहरी केन्द्रीय विधिविज्ञान प्रयोगशालामा पठाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
