Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाण्डौ । जंगली हात्तीको आक्रमणबाट मृत्यु भएका इटहरी वडा नं. २ का रविन खड्काको परिवारलाई इटहरी उपमहानगरपालिकाले एक लाख रुपैयाँ आर्थिक सहयोग गरेको छ ।
बुधबार राति हात्तीको आक्रमणबाट मृत्यु भएका २५ वर्षीय खड्काको परिवारलाई सहयोगको घोषणा गरिएको हो । बिहीवार बिहान इटहरीका मेयर हेमकर्ण पौडेलले मृतक खड्काको घर पुगेर क्षतिपूर्ति दिने घोषणा गरेका हुन् ।
स्थानीयले इटहरीमा जंगली हात्ती मानव बस्तीमा प्रवेश गरी विध्वंश मच्चाएको तीन महिनाभन्दा बढी भएको भन्दै हात्ती नियन्त्रण गर्न माग गरेका थिए । तत्काल सुरक्षा निकाय र वन रक्षकसहितको टोली बनाएर बिहीबार रातिदेखि नै रात्रि गस्ती गरिने मेयर पौडेलले आश्वासन दिएका छन् ।
मंगलबार बिहान हात्तीको समूहले इटहरी वडा नं. २ कै नैनाकुमारी राईको घर भत्काएर क्षति पुर्याएको थियो । दुई महिनाअघि पनि इटहरी वडा नं. २ कै लक्ष्मी राईको घर हात्तीले भत्काएको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
