Apr 07 2025 | २०८१, चैत २५ गते
Apr 07 2025 | २०८१, चैत २५ गते
काठमाडौं । भारतमा योग गुरु रामदेवको स्वामित्वमा रहेको पतञ्जलीका पाँच औषधिमाथि प्रतिबन्ध लगाइएको छ । पतञ्जलीले ती औषधिको ‘भ्रामक विज्ञापन’ गरेको भन्दै उत्तराखण्ड राज्यमा बिक्री वितरणमा रोक लगाइएको छ ।
प्रतिबन्ध लगाइएका औषधिहरू दिव्य मधुग्रिट, दिव्यआईग्रिट गोल्ड, दिव्य थाइरोग्रिट, दिव्य बीपीग्रिट र दिव्य लिपिडोम रहेका छन् । यी मधुमेह, आँखाको संक्रमण, थाइराइड, रक्तचाप र कोलेस्ट्रोल नियन्त्रण गर्न प्रयोग गरिने औषधि हुन् ।
पतञ्जलीका उत्पादनहरू बनाउने दिव्या फार्मेसीलाई उत्तराखण्डको आयुर्वेदिक र युनानी सेवाका अधिकारीहरूले पाँचवटा औषधिको उत्पादन रोक्न निर्देशन दिएको अङ्ग्रेजी पत्रिका द हिन्दूले जनाएको छ । साथै कम्पनीलाई यी पाँच उत्पादनका विज्ञापन मिडियाबाट हटाउन पनि निर्देशन दिइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
