Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । देशभर डेङ्गु सङ्क्रमितको सङ्ख्या ५० हजार दुई सय ६३ पुगेको स्वास्थ्य तथा जनसङ्ख्या मन्त्रालयले जनाएको छ ।
सबैभन्दा बढी बागमती प्रदेशमा ३९ हजार दुई सय १७ जना, दोस्रो लुम्बिनी प्रदेशमा चार हजार आठ सय २७ जना र प्रदेश १ मा एक हजार नौ सय ३३ जना सङ्क्रमित रहेका छन् । यस्तै सबैभन्दा कम कर्णाली प्रदेशमा छ सय ७२ संक्रमित रहेको छ ।
काठमाडौँ जिल्लामा सबैभन्दा बढी सङ्क्रमित रहेका छन् । आइतबारसम्म काठमाडौँमा डेङ्गु सङ्क्रमितको सङ्ख्या १३ हजार सात सय ३२ पुगेको छ । क्रमशः ललितपुरमा नौ हजार ५००, भक्तपुरमा पाँच हजार तीन सय ६६, मकवानपुरमा पाँच हजार दुई सय ८१ र चितवनमा दुई हजार पाँच सय ८० रहेको छ । छ दिनमा डेङ्गुको छ सय २४ नयाँ सङ्क्रमित थपिएका हुन् ।
स्वास्थ्य तथा जनसङ्ख्या मन्त्रालयका अनुसार अहिलेसम्म डेङ्गुका कारण मृत्यु हुनेको सङ्ख्या ५५ पुगेको छ । ‘खोज र नष्ट गर’ अभियानमार्फत मन्त्रालयले एक सय ३९ पालिका, ६० जिल्ला र सातै प्रदेशमा डेङ्गु नियन्त्रण कार्यक्रम सञ्चालन गरिरहेको मन्त्रालयले बताएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
