Apr 07 2025 | २०८१, चैत २५ गते
Apr 07 2025 | २०८१, चैत २५ गते
काठमाडौं । नेपालमा पहिलो पटक डेंगी भाइरसको सेरोटाइप ३ पुष्टि भएको छ । इपिडिमियोलोजी तथा रोग नियन्त्रण महाशाखाका कीटजन्य रोग शाखा प्रमुख डा. गोकर्ण दाहालका अनुसार धरानस्थित बीपी कोइराला स्वास्थ्य विज्ञान प्रतिष्ठानमा १२ जनामा गरिएको परीक्षणमध्ये सात जनामा सेरोटाइप १ र ५ जनामा सेरोटाइप ३ पुष्टि भएको हो ।
डा. दाहालले नेपालमा डेंगी भाइरसको सेरोटाइप ३ पहिलोपटक पुष्टि भएको बताए । डेंगीका चारवटा सेरोटाइप १, २, ३ र ४ मध्ये यसअघि नेपालमा १ र २ मात्रै देखिएको थियो । देशभरबाट ३५० वटा नमूना संकलन गरी राष्ट्रिय जनस्वास्थ्य प्रयोगशालामा सेरोटाइप परीक्षण गर्ने तयारी भइरहेको डा.दाहालले बताएका छन् ।
डेंगीका सबै सेरोटाइप उस्तै भए पनि एकपटक एउटा सेरोटाइपबाट संक्रमित भएका व्यक्तिलाई दोस्रोपटक फरक सेरोटाइपले संक्रमण गराए जटिलता बढी हुने डा. दाहालको भनाइ छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
