Apr 05 2025 | २०८१, चैत २३ गते
Apr 05 2025 | २०८१, चैत २३ गते
जिल्ला जनस्वास्थ्य कार्यालयका अनुसार थसिखेल, मानभवन, नख्खिपोट, ग्वार्काेलगायतका स्थानमा डेंगु पाइएको जनाएको छ ।
ललितपुर ।
ललितपुरमा डेंगुको घटना बढे सँगै जनस्वास्थ्य कार्यालय ललितपुर सक्रिय भएको छ । ललितपुरमा करिब ४० जनामा डेंगु प्रमाणित भएको जनस्वास्थ्यले जनाएको छ । जनस्वास्थ्य कार्यालय ललितपुरका प्रमुख डा. सतिस विष्टको निर्देशनसँगै सम्बन्धित निकाय सक्रिय भएको हो ।
ललितपुरको वडा नं. ५ र १४ मा डेंगुको बिरामी पाइएपछि जनस्वास्थ्य टोलीले जनचेतनामूलक कार्यक्रम अघि बढाएको हो । वडा नं ५ र १४ मा स्थानीयहरुको साथ लिएर जनस्वास्थ्य टोलीले डेंगु उत्पतिका कारक लार्भालाई नष्ट गर्ने अभियान प्रारम्भ गरेको हो । यो अभियानमा नेपाल प्रहरी, नेपाली सेना र सशस्त्र प्रहरीका प्रमुखहरु, जनस्वास्थ्य टोली र महानगरपालिकाका स्वास्थ्यकर्मीसमेत सक्रिय हुँदै जुटेका छन् ।
ललितपुरका प्रमुख जिल्ला अधिकारी घनश्याम उपाध्यायले समुदायलाई सतर्क रहन र रोगबाट जोगिन आग्रह गर्नुभयो । वडा नं ५ का वडाध्यक्ष विकासमान श्रेष्ठले तत्कालै समाधानको उपाय चाल्नुपर्ने भएकाले टोलटोलमा खटिएको बताए ।
यस्तै, वडा नं १४ का वडाध्यक्ष अमृतजंग महत्तले स्थानीयस्तरमा सतर्कता अपनाउँदै सम्भावित रोगको जडलाई नष्ट गरेको उल्लेख गरे ।
यसैबीच, ललितपुरको गणेशमान सिंह अस्पतालमा करिब २५, अल्का अस्पतालमा ७ र किष्ट अस्पतालमा ३ जनामा डेंगु प्रमाणित भइसकेको बताइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
