महानगरीय प्रहरी परिसर ललितपुर प्रमुख एसएसपी किरण बज्राचार्यका अनुसार भवनका चारवटा कोठा भाडामा लिएर यौन व्यवसाय सञ्चालन भईरहेको र ग्राहकहरुको ठेगानासहितको लेजरबुक पनि फेला परेको छ । 
 

ललितपुर । पुल्चोकस्थित एक अपार्टमेन्टबाट यौनधन्दा सञ्चालन गरेको आरोपमा प्रहरीले ७ जनालाई पक्राउ गरेको छ । महानगरीय प्रहरी परिसर ललितपुरले त्यस भवनबाट यौनधन्दा सञ्चालन भइरहेको सूचनापछि छापा मारेको थियो ।

प्रहरीका अनुसार केही व्यक्तिले भवन भाडामा लिई केही युवतीहरुलाई त्यहीँ राखेर लामो समयदेखि यौन व्यवसाय सञ्चालन गर्दै आएका थिए । परिसर प्रमुख एसएसपी किरण बज्राचार्यका अनुसार भवनका चारवटा कोठा भाडामा लिएर यौन व्यवसाय सञ्चालन गरेको भेटिएको छ । कोठाबाट यौन सम्पर्कको लागि आएका ग्राहकहरुको ठेगानासहितको लेजरबुक पनि फेला परेको छ । 
 

प्रहरी परिसरले झापाका राजेश अग्रवाल, रुकुमकी ललिता विक, बर्दियाका सुनील विष्ट, मकवानपुरकी गीता खड्गी, बालाजुकी क्रिष्टिना केसी, सिन्धुपाल्चोककी निर्मला न्यौपाने र पनौतीका प्रतिक कर्माचार्यलाई हिरासत राखेको जानकारी दिएको छ ।