ललितपुरमा खेलाडी र समाजसेवाको आवरणमा रहेका एकजनालाई लागूऔषधसहित पक्राउ गरेर प्रहरी परिसर ललितपुरले अप्रेसनलाई पूर्णता दिएको हो ।

ललितपुर । प्रहरी परिसर ललितपुरले तीन महिनाको लामो अनुसन्धानपछि सफलता हात पारेको छ । ललितपुरमा खेलाडी र समाजसेवाको आवरणमा रहेका एकजनालाई लागूऔषधसहित पक्राउ गरेर अप्रेसनलाई पूर्णता दिएको हो । प्रहरी परिसर ललितपुरले अनुप श्रेष्ठलाई पक्राउ गरेको हो ।

ललितपुर प्रहरी प्रमुख एसएसपी किरण बज्राचार्यले अनुपलाई लागूऔषध एम्फेटामाइनसहित नियन्त्रणमा लिएको प्रष्ट पारेकी छन् ।

अनुपले खेलाडीको आवरणमा धनाढ्य युवायुवती र खेलाडीहरुलाई एम्फेटामाइन बिक्री गर्दै आएको खुलेको छ । ललितपुर प्रहरीले अनुपसँगै अम्रिता खड्का र परदु गुरुङलाई पक्राउ गरेको छ ।