Sep 06 2025 | २०८२, भदौ २१ गते
Sep 06 2025 | २०८२, भदौ २१ गते
काठमाडौं । मीत्रराष्ट्र जापानको क्योटोमा अवस्थित रित्सुमेइकान विश्वविद्यालयका प्रोफेसर डा.मीवा हिरोनो नेतृत्वको टोलीले पोखरा महानगरका प्रमुख धनराज आचार्यसँग भेटघाट गरेको छ ।
शुक्रबार भएको भेटमा प्रोफेसर हिरोनो सहित विश्वविद्यालयमा लैङ्गीक समानता, कृषी, पर्यटन र फोहोर व्यवस्थापन लगायत विषयहरुमा अध्ययन गरिरहेका ८ जना विद्यार्थीहरुले समग्र विषयमा पोखरा महानगरपालिकाले अपनाईरहेको नविन अभ्यासका विषयमा चासो राखेका छन् ।
 (1).gif)
आफ्नो अध्ययनका क्रममा यहाँको अवस्थाका बारेमा अनुसन्धानमुलक कार्यका लागि पोखरा आइपुगेका उनिहरुले पर्यटकीय राजधानी पोखराको पर्यटन विकास र फोहोर व्यवस्थापनका सम्बन्धमा थप चासो देखाएका थिए । उनिहरुले नगर प्रमुख आचार्यसँग पर्यटन र वेष्ट म्यानेजमेन्टका सन्दर्भमा जिज्ञाषा राखेका छन् ।
नगर प्रमुख आचार्यले पोखरेली पर्यटनको प्रवद्र्धन, विकास र प्रचारप्रसारका लागि महानगरको तर्फबाट थुप्रै पहलहरु गरिरहेको बताए । संसारमा विरलै हुने पर्यटन राजधानी घोषणाको एउटा महत्वपूर्ण खुड्कीलो पार गरिसकेपछि पोखरालाई अन्तराष्ट्रिय बजारमा प्रचारप्रसार र प्रवद्र्धन गर्नका विभिन्न अभियानहरु सञ्चालन गरिरहेको उनले बताए ।
पोखरा भ्रमण वर्ष नै घोषणा गरी यसवर्ष आफुहरुले संसारभरीका पर्यटकहरुलाई पोखरा आह्वान गरिरहेको उनले बताए । फोहोर व्यवस्थापनका सन्दर्भमा दिगो समाधान गर्ने गरी अत्याधुनिक फोहोर प्रशोधन केन्द्र निर्माण गर्न आवश्यक प्रक्रिया पूरा गरेर सम्झौताको चरणमा रहेको बताए ।
मानविकी, समाजशास्त्र, अन्तराष्ट्रिय सम्बन्ध, विज्ञान तथा प्रविधि, व्यवस्थापन लगायतका विविध विषयहरूको अध्ययापन गराइरहेको विश्वविद्यालय अनुसन्धान, नवप्रवर्तन र अन्तराष्ट्रियकरणमा उच्च स्तरको मान्यता पाएको जापानको पहिलो विश्वविद्यालय हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
