Aug 29 2025 | २०८२, भदौ १३ गते
Aug 29 2025 | २०८२, भदौ १३ गते
काठमाडौं । प्रतिनिधि सभाले संसदीय सुनुवाइ समितिको सदस्यमा कांग्रेस सांसद रामहरि खतिवडाको नाम अनुमोदन भएको छ । आज बसेको प्रतिनिधि सभा बैठकले खतिवडाको नाम अनुमोदन गरेको हो ।
सभामुख देवराज घिमिरेको आसनबाट उपसभामुख इन्दिरा रानामगरले सो प्रस्ताव गरेकी थिइन् । सभाले उनको प्रस्तावलाई अनुमोदन गरेसँगै खतिवडा संसदीय सुनुवाइ समितिको सदस्य बनेका हुन् । यसअघि समितिको सभापतिमा कांग्रेस सांसद ईश्वरीदेवी न्यौपाने रहेकी थिइन् । उनले राजीनामा दिएर प्रतिनिधि सभा अन्तर्गतको राज्य व्यवस्था तथा सुशासन समितिको सभापति बनेपछि एक सदस्य पद खाली रहेको थियो ।
 (1).gif)
यता संघीय निजामति विधेयकमा भएको त्रुटीबारे चौतर्फी प्रश्न उठेपछि खतिवडाले राज्य व्यवस्था तथा सुशासन समितिको सभापतिबाट राजीनामा दिएका थिए । राज्य व्यवस्था समितिबाट हटेपछि उनलाई संसदीय समितिको सदस्य बनाइएको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
