Jun 30 2025 | २०८२, असार १६ गते
Jun 30 2025 | २०८२, असार १६ गते
काठमाडौं । पेरिस सेन्ट-जर्मेन (पीएसजी) का समर्थकहरूले च्याम्पियन्स लिग फाइनलमा टिमको जितको उत्सव मनाउने क्रममा भएको झडपपछि पुलिसले करिब ३०० जनालाई पक्राउ गरेको छ ।
लगभग ५०,००० समर्थकहरूले पीएसजीको स्टेडियम पार्क दे प्रिन्स र शान्ज-एलिजे क्षेत्रमा ठूला स्क्रिनहरूमा खेल हेरेका थिए । जितपछि केही व्यक्तिहरूले आतिशबाजी गरे, बस स्टपहरू तोडफोड गरे र गाडीहरूमा आगजनी गरे ।
 (1).gif)
पुलिसका अनुसार, पक्राउ परेकामध्ये धेरैजसो आतिशबाजी राख्ने र तोडफोड गर्ने आरोपमा समातिएका छन् । उत्सवका क्रममा सम्भावित अशान्तिलाई ध्यानमा राख्दै पेरिसमा ५,४०० भन्दा बढी पुलिसकर्मीहरू तैनाथ गरिएको थियो ।
कतिपय ठाउँमा पुलिस र भिडबीच झडपहरू भए । भिडलाई नियन्त्रण गर्न पानीको फोहोरा र अश्रुग्यासको प्रयोग गरियो ।
च्याम्पियन्स लिग फाइनलमा इन्टर मिलानलाई पराजित गर्दै पीएसजीले जित हासिल गर्दै युरोपको सबैभन्दा ठूलो ट्रफी पहिलोपटक जितेको छ ।
फ्रान्सका राष्ट्रपति इमानुएल म्याक्रोंले पीएसजीलाई बधाई दिँदै भने, “बधाई छ, हामी तपाईंप्रति गर्व गर्छौं । आज पेरिस युरोपको राजधानी हो ।’
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
