Apr 18 2025 | २०८२, वैशाख ५ गते
Apr 18 2025 | २०८२, वैशाख ५ गते
काठमाडौं । त्रिभुवन आर्मी क्लबले राष्ट्रिय महिला लिग फुटबलमा जित हात पारेको छ । सातदोबाटोस्थित एन्फा कम्प्लेक्समा आइतवार वालिङ नगरपालिकालाई ७-० गोल अन्तरले पराजित गर्दै आर्मीले पहिलो जित हात पारेको हो ।
आर्मीको जितमा विमला चौधरीले ह्याट्रिक गरिन् । यस्तै दिपा राई, शर्मिला थापा, भुजुङ्गा राई र हेमा चौधरीले समान एक एक गोल गरिन् ।
तीन विदेशी खेलाडीसहित मैदान उत्रिएको वालिङविरुद्ध विमला चौधरीको गोलबाट आर्मीले ४ औं मिनेटमा अग्रता बनाएको थियो । खेलको २८ औं मिनेटमा दिपाको गोलबाट आर्मीले अग्रता दोब्बर बनायो ।
खेलको ४४ औं मिनेटमा शर्मिलाले गोल गर्दा आर्मी पहिलो हाफमा ३-० ले अघि रह्यो । खेलको ६६ औं मिनेटमा विमलाले व्यक्तिगत दोस्रो गोल गर्दै आर्मीलाई ४-० को अग्रता दिलाईन् ।
प्लेयर अफ दि म्याच बनेकी विमलाले ७५ औं मिनेटमा ह्याट्रिक पुरा गरिन् । खेलको ८९ औं मिनेटमा हेमाले गोल गर्दा आर्मी ६-० ले अघि रह्यो । दोस्रो हाफमा मैदान प्रवेश गरेकी हेमाले गोल गरेकी थिइन् ।
त्यसपछि खेलको इन्जुरी समयमा भुजुङ्गाले गोल गर्दै आर्मीलाई ७-० को जित दिलाईन् । जितसँगै आर्मीले २ खेलमा ४ अंक जोडेको छ । वालिङले २ खेलमा १ अंक जोडेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
