बालकोटमा बुबा र छोरा मृत अवस्थामा फेला, हत्याको आशंका

भक्तपुर । भक्तपुरको नगरपालिका–२ स्थित बालकोटमा बुबा र छोरा सोमबार मृत अवस्थामा फेला परेका छन् । बालकोट फिकाधाराको साढे तीन तल्लाको घरमा डेरामा वस्दै आएका खोटाङ जिल्ला हुलाक कार्यालयका निमित्त पोस्टमास्टर कुलप्रसाद आचार्य र उनका कान्छा छोरा प्रवीण आचार्य मृत अवस्थामा फेला परेको प्रहरीले जनाएको छ ।

खोटाङको दिक्तेल रुपाकोट मझुवागढी नगरपालिका–१ का ५६ वर्षीय आचार्य बालकोटमा भाडाको घरमा बसेका आफ्ना दुई छोरा जेठा मिलन र कान्छो छोरा प्रवीणलाई भेट्न आचार्य पाँच दिनअघि भक्तपुर आएका थिए ।

सोमबार बिहान छिमेकीले दुवै बाहिरी ढोका बाहिरबाट ताला लगाएको र कोठाभित्र बाबु छोरा मृत अवस्थामा फेला परेको बताए । शवमा घाउका चोटहरू भेटिएको र बाहिरबाट ताला समेत लगाइएकोले उनीहरुको हत्या भएको हुनसक्ने आशंका प्रहरीको छ । उनीहरुसँगै बसेका आचार्यका जेठा छोरा मिलन हाल बेपत्ता भएकाले घटनाको आशंका झनै बढेको बताइएको छ ।

शव पोस्टमार्टमका लागि त्रिवि शिक्षण अस्पताल महाराजगन्ज पठाइएको र तालिमप्राप्त कुकुरसहित घटनाको अनुसन्धान भइरहेको प्रहरीले जनाएको छ ।

बालकोटमा बुबा र छोरा मृत अवस्थामा फेला, हत्याको आशंका

बालकोटमा बुबा र छोरा मृत अवस्थामा फेला, हत्याको आशंका

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय