Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाडौं । तनहुँको आबुँखैरेनीमा भएको बस दुर्घटनाका १२ घाइतेलाई सेनाको हेलिकप्टरबाट काठमाडौं ल्याइएको छ । दुर्घटनाग्रस्त बसबाट अहिलेसम्म ३९ जनालाई निकालिएको छ ।
ती मध्ये १६ जनाको मृत्यु भएको र २३ जना घाइते भएको जिल्ला प्रहरी कार्यालय तनहुँका प्रवक्ता तथा डीएसपी दीपक कुमार रायले जानकारी दिए ।
घाईतेमध्ये गम्भीर अवस्थाका १२ जनालाई उपचारको लागि हेलिकप्टरबाट काठमाडौं ल्याइएको हो । एक जनालाई चितवन मेडिकल कलेज लगिएको छ । बाँकी १० जनाको आँबु खैरेनीमा उपचार भइरहेको प्रहरीले जनाएको छ ।
हेलिकप्टरबाट काठमाडौं ल्याइएकालाई त्रिभुवन शिक्षण अस्पताल महाराजगन्ज पुर्याइसकिएको छ ।
पोखराबाट शुक्रबार बिहान काठमाडौँ आउँदै गरेको भारतीय नम्बर प्लेटको युपीएफटी ७६२३ नम्बरको बस ऐना पहरामा दुर्घटना हुँदा मर्स्याङ्दी नदीमा खस्न पुगेको थियो । बसका सबै यात्रु भारतीय नागरिक रहेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
