Apr 07 2025 | २०८१, चैत २५ गते
Apr 07 2025 | २०८१, चैत २५ गते
काठमाडौं । सिन्धुलीमा प्रहरीले हवाई फायर गरेर गाँजा तस्करी नियन्त्रणमा लिएको छ । हरिहरपुरगढी गाउँपालिका-७ भुताहा शिरमा प्रहरीले पाँच राउण्ड हवाई फायर गरेर चार बोरा गाँजासहित एक जनालाई नियन्त्रणमा लिएको हो ।
जिल्ला प्रहरी कार्यालय सिन्धुलीका प्रवक्ता प्रहरी निरीक्षक केशव कटवालका अनुसार हरिहरपुरगढी गाउँपालिका-७ का २४ वर्षीय बिच बहादुर वाइबालाई गाँजासहित पक्राउ गरिएको हो ।
उक्त कार्यमा संलग्न अन्य चार जना भने फरार भएका छन् । अन्यको खोजी कार्य भइरहेको छ । ‘गाँजाको ओसारपसार भइरहेको सूचनाका आधारमा इलाका प्रहरी कार्यालय कपिलाकोट र प्रहरी चौकी क्यानेश्वरबाट खटिएको प्रहरी टोलीले गाँजा सहित नियन्त्रणमा लिने क्रममा हवाई फायर गर्नु परेको थियो,’ कटवालले भने ।
५ जना व्यक्तिहरूले नाम्लोमा बोकी ल्याउँदै गरेको अवस्थामा ४ बोरा ७७ केजी ८० ग्राम गाँजा बरामद गरिएको प्रहरीले जनाएका छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
