Apr 22 2025 | २०८२, वैशाख ९ गते
Apr 22 2025 | २०८२, वैशाख ९ गते
काठमाडौं । प्रहरीले सप्तरीबाट ह्वाट्सएपबाट फोन गरेर करिब १३ लाख ठगेको आरोपमा तीन जनालाई पक्राउ गरेको छ ।मधेस प्रदेश प्रहरी कार्यालयका अनुसार पक्राउ पर्नेमा झापाको मेचीनगर नगरपालिका-६ बस्ने २६ वर्षीय सविन मैनाली, सोही नगरपालिकाको-१० का २७ वर्षीय शुभम मैनाली र सुनसरीको धरान उपमहानगरपालिका-३ बस्ने १९ वर्षीया आशिका बराईली रहेका छन ।
फागुन ५ गते पाकिस्तानको नम्बर भएको ह्वाट्सएपबाट फोन गरेर सप्तरीको राजविराज नगरपालिका ७ बस्ने एकजनालाई ‘तपाईंको छोरा मेरो कब्जामा छ, छोरा चाहिन्छ भने मैले भनेबमोजिम रकम पठाउनु र यो कसैलाई भनेमा छोरालाई मारिदिन्छुु’ भनि त्रास देखाइ विभिन्न फरक–फरक व्यक्तिको खातामा पठाउन लगाएर १२ लाख ८० हजार रुपैयाँ ठगेको प्रवक्ता महतोले बताए ।
ठगी गर्नेहरुले ह्वाट्सएप प्रोफाइलमा प्रहरी वरिष्ठ अधिकृतको फोटोसमेत दुरुपयोग गरेको जनाएको छ । पक्राउ परेका तीनैजनाविरुद्ध ठगी शीर्षकमा मुद्दा दर्ता गरी थप अनुसन्धान थालेको मधेस प्रदेश प्रहरी कार्यालय जनकपुरधामले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
