Apr 06 2025 | २०८१, चैत २४ गते
Apr 06 2025 | २०८१, चैत २४ गते
ललितपुर । नक्कली नोटसहित एक जना पक्राउ परेका छन् । जिल्ला प्रहरी परिसर ललितपुरले ललितपुर महानगरपालिका वडा नम्बर ५ लगनखेल बसपार्कबाट एक जनालाई नक्कली नोटसहित पक्राउ गरेको जनाए ।
पक्राउ पर्नेमा मकवानपुरगढी गाउँपालिका घर भई ललितपुरको झरूवासी बस्ने ३२ वर्षीय कुमार वाइबा रहेका छन् । प्रहरी प्रभाग लगनखेलबाट खटिएको टोलीले उनलाई आइतबार बेलुकी पक्राउ गरेको हो । वाइबाको साथबाट एक हजारका नक्कली नोट ११ वटा बरामद भएको हो ।
चुरोट किन्न नक्कली नोट लिएर लगनखेलको खुद्रा व्यवसाय गर्ने एक पसल पुगेका वाइबालाई पैसा नक्कली परेको थाहा पाएपछि पसलेले प्रहरीलाई खबर गरेका थिए । त्यसपछि प्रहरीले वाइबालाई नियन्त्रणमा लिएको थियो । सम्बन्धमा प्रहरीले थप अनुसन्धान गरिरहेको परिसरले जनाएको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
