Logo

Apr 06 2025 | २०८१, चैत २४ गते

Apr 06 2025 | २०८१, चैत २४ गते

ललितपुर उद्योग वाणिज्य संघमा बज्राचार्य प्यानलको जीतको सुनिश्चितता

ललितपुर उद्योग वाणिज्य संघमा बज्राचार्य प्यानलको जीतको सुनिश्चितता

  • ललितपुर । ललितपुर उद्योग वाणिज्य संघको अध्यक्षमा विश्वराज बज्राचार्यले आफ्नो जित सुनिश्चित रहेको बताएका छन् । बज्राचार्यले संघको आउँदो चुनावमार्फत अध्यक्षमा आफ्नो सिंगो प्यानलको जित निश्चित रहेको बताएका हुन् । हाल उनी वर्तमान वरिष्ठ उपाध्यक्ष समेत रहेका छन् ।

    images
    images
    images

    असोज १९ गते ललितपुरमा हुने साधारणसभामार्फत चयन हुने नयाँ नेतृत्वमा बज्राचार्यले अध्यक्षकारुपमा उम्मेद्वारी दिएको र जित निश्चित रहेको बताएका हुन् । बज्राचार्यले आफु संघको अध्यक्षमा निर्वाचित बनेपछि ललितपुरका सम्पूर्ण साना ठूला व्यवसायीको छाता संगठनकारुपमा ललितपुर उद्योग वाणिज्य संघलाई अघि बढाउने जनाएका छन् । 

    नेवारी समुदायको मौलिकतालाई ब्राण्डकारुपमा अघि बढाउन नेपाल उद्योग वाणिज्य महासंघ, केन्द्र, प्रदेश र स्थानीय सरकारसँग समन्वय अघि बढाउने समेत ब्राचार्यले बताए । यही असोज १९ गते हुने संघको साधारणसभामार्फत २२ सदस्यीय कार्यसमिति चयन हुन्छ । बज्राचार्य प्यानलको वरिष्ठ उपाध्यक्षमा विरेन्द्रलाल श्रेष्ठ, उद्योग उपाध्यक्षमा आपु लाल अवाले, वाणिज्य उपाध्यक्षमा राकेश भक्त मुल्मी,  संस्थागत उपाध्यक्षमा मुकुन्द महर्जन महासचिवमा भूमिनन्दन कर्माचार्य र कोषाध्यक्षमा मिलन शाक्य रहेका छन ।

    त्यस्तै उद्योग समूहबाट कार्यसमिति सदस्य उम्मेदवारहरु प्रविन ताम्राकार, प्रविन बज्राचार्य, विष्णुलाल सिकर्मी, शैशव कृष्ण श्रेष्ठ, सजना श्रेष्ठ (नेम्कुल) र सुविन मान जोशी हुन् भने वाणिज्य समूहबाट कार्यसमिती सदस्य उम्मेदवारहरु पुष्प कुमार थापा, प्रसम राज बज्राचार्य, राजेश राज बज्राचार्य, विमला शाक्य, शर्मिला श्रेष्ठ जोशी, सुजन बज्राचार्य र हरिराम जोशी हुन् । बज्रचार्यले संघको कार्यसमितिलाई चाहिने पदाधिकारीसहितको २२ जना नै उम्मेद्वार आफ्नो प्यानलमा रहेको बताए ।

     

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij