Apr 06 2025 | २०८१, चैत २४ गते
Apr 06 2025 | २०८१, चैत २४ गते
ललितपुर । ललितपुर महानगरपालिका वडा १९ का वडाध्यक्ष राजेन्द्र महर्जन दलबलसहित मध्यरातमा कुमारीपाटीको पेटीमा बसिरहेका थिए । वडाध्यक्ष महर्जनको निगरानी भने मध्यरातमा फोहर फाल्नेहरुलाई रंगेहात समाउनु नै थियो । सहयोगी साथीहरुसँग बसिरहेका वडाध्यक्ष महर्जनले धेरैलाई रंगेहात फेला पारे, बुझाए र फोहर बोकेरै फर्काउन लगाए । तर बारम्बार फोहर फालेर हैरान बनाएका वडाका केही व्यक्तिहरुलाई भने जरिवाना समेत गराएका छन् ।
यसैगरि, अग्निशाला वरपर फोहर फाल्नेहरुको पहिचान गरेर दिउँसो नगर प्रहरीका टोली र वडाध्यक्ष महर्जनले घरैमा पुगेर जरिवाना तिराए । कार्यालयको समयमा सेवाग्राहीको सेवामा व्यस्त रहने वडाध्यक्ष महर्जन साँझ ढलेपछि भने सीसीटीभीमा फोहर फाल्नेहरुको निगरानी र मध्यरातमा प्रत्यक्ष पक्रिन बाटोमा खटिने गरेका छन् । वडाध्यक्ष महर्जन सँगसँगै क्यामरा बोकेर नियमविपरितका गतिविधि गर्नेको भिडियो खिचिरहेका बाबुराजा ज्यापुले भने, ‘आफ्नो टोल सफा र सुन्दर राख्नु हाम्रो पहिलो प्राथमिकता हो ।’
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
