Apr 21 2025 | २०८२, वैशाख ८ गते
Apr 21 2025 | २०८२, वैशाख ८ गते
काठमाडौं । प्रधानमन्त्री केपी शर्मा ओलीविरूद्ध जनता समाजवादी पार्टी नेपालले चरणवद्ध विरोध कार्यक्रम गर्ने भएको छ ।
पुस २५ देखि माघ ७ सम्म ओली नेतृत्वको सरकारविरूद्ध देशका प्रमुख शहरहरूमा जसपाले प्रदर्शन तथा सभा गर्ने भएको हो ।
जसपा अध्यक्षद्वय महन्थ ठाकुर र उपेन्द्र यादवले विज्ञप्ति जारी गर्दै विरोध प्रदर्शनका बारेमा जानकारी दिएका छन् । देशका विभिन्न प्रमुख शहरहरुमा आयोजना हुने कार्यक्रममा पार्टीका शीर्ष नेताहरुको उपस्थिति रहने विज्ञप्तिमा उल्लेख गरिएको छ ।
पुस २५ गते विराटनगरमा कार्यक्रम हुनेछ जसमा पार्टीका संघीय परिषद अध्यक्ष बाबुराम भट्टराई र केन्द्रीय परिषद अध्यक्ष उपेन्द्र यादवको उपस्थिति रहनेछ ।
त्यसै दिन धनगढी र भैरहवामा पनि कार्यक्रम हुनेछ। पार्टीका अर्का अध्यक्ष महन्थ ठाकुर भैरहवामा हुने कार्यक्रममा सहभागी हुने बताइएको छ ।
त्यस्तै माघ ७ गते भने सम्पूर्ण जिल्ला सदरमुकामलगायत प्रमुख शहरहरूमा जसपाको प्रदर्शन तथा विरोध कार्यक्रम रहेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
