Apr 19 2025 | २०८२, वैशाख ६ गते
Apr 19 2025 | २०८२, वैशाख ६ गते
काठमाडौँ । राष्ट्रपति रामचन्द्र पौडेलले प्रमाणीकरण गरेको नागरिकता विधेयकसम्बन्धि मुद्दाको आज सर्वोच्च अदालतमा सुनुवाइ हुँदैछ ।न्यायाधीश प्रकाशमान सिंह राउत र शुष्मलता माथेमाको इजलासमा सो मुद्दाको पेसी तोकिएको छ ।
यही जेठ २१ गते सर्वोच्चले वरिष्ठ अधिवक्ताद्वय सुरेन्द्र भण्डारी र बालकृष्ण न्यौपानेले दायर गरेको रिटमा अल्पकालीन अन्तरिम आदेश जारी गरेको थियो । उक्त मुद्दामा अन्तरिम आदेश दिने कि नदिने भन्ने निर्णय गर्न सर्वोच्चले दुवै पक्षलाई आज छलफलका लागि बोलाएको थियो ।
अन्तरिम आदेशलाई सर्वोच्चको संयुक्त इजलासले निरन्तरता दिएमा नागरिकता वितरणको कार्य तत्कालका लागि रोकिनेछ । यस्तै, यसअघि जारी भएको अल्पकालीन आदेश खारेज गरेमा नागरिकता वितरणको बाटो खुल्नेछ । गत जेठ १७ गते राष्ट्रपति पौडेलले नागरिकता विधेयक प्रमाणीकरण गरेका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
