Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । पछिल्लो नौ महिनामा विषालु सर्पले डसेर भेरी अस्पतालमा आठजनाको मृत्यु भएको छ । गत साउनदेखि चैत मसान्तसम्म सर्पले डसेका तीन सय ८० मध्ये आठजनाको मृत्यु भएको भेरी अस्पतालका वरिष्ठ एनेस्थेसिया तथा सर्पदंश विशेषज्ञ डा. कृष्णप्रसाद आचार्यले जानकारी दिए ।
तीमध्ये ७० जना विषालु र तीन सय १० जना गैरविषालु सर्पले डसेका बिरामी रहेका उनले बताए । ‘विषालु सर्पले डसेकामध्ये ६२ जनालाई बचाउन सफल भयौँ । आठजनालाई बचाउन सकेनौँ,’ डा. आचार्यले भने ।
उनका अनुसार आर्थिक वर्ष ०७७र७८ मा तीन सय ५० जना उपचारका लागि आएका थिए । तीमध्ये तीन सयजना गैरविषालु सर्पले डसेका र ५० जना विषालु सर्पले डसेका बिरामी थिए । गत आवमा उपचारका लागि आएका चारजनाको मृत्यु भएको थियो ।
‘सर्पले डसेको पहिचान गर्न नसक्दा, घरेलु उपचार, अन्धविश्वास तथा उपचारका लागि अस्पतालमा ढिलो गरी पुर्याउँदा अस्पतालले प्रयास गर्दागर्दै पनि बचाउन सक्दैन,’ डा. आचार्यले भने । लक्षण थाहा पाउने र शंका लाग्नेबित्तिकै उपचारका लागि अस्पताल पुर्याए बिरामीको ज्यान जोगाउन सकिने उनको भनाइ छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
