
Apr 05 2025 | २०८१, चैत २३ गते
ललितपुर । जावलाखेलमा संचालित सेन्ट जेभियर्सले महानगरको जवाफ पर्खिरहेको छ । महानगरले केही साताअघि कक्षा १ को भर्ना अभियान रोकेको थियो । दुईपटक सम्बन्धित पक्ष बसेर छलफल हुँदा पनि सहमति हुन सकेको थिएन । महानगरले संवैधानिक र कानुनी आधारमा भर्ना प्रकृयामा सबैको पहुँच हुनुपर्ने भन्दै भर्ना प्रक्रिया रोकेको हो ।
जेभियर्सले भने यस सम्बन्धमा सबै कुरा प्रष्ट पारिसकेको जनाएको छ । जेभियर्सका आधिकारिक स्रोतले भने, ‘महानगरको नियम कानुन सबैले मान्नुपर्छ, हामीपनि यसमा सकारात्मक छौं ।'
महानगरपालिकाले कस्तो जवाफ दिनेछ भनेर पर्खिरहेको जेभियर्स स्रोतले जनाएको छ । सेन्ट जेभियर्स स्कुल जाउलाखेलको कक्षा १ मा नयाँ विद्यार्थी भर्ना रोकिँदा करिब चार हजार विद्यार्थीको भविष्य अन्योल बनेको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij