Apr 21 2025 | २०८२, वैशाख ८ गते
Apr 21 2025 | २०८२, वैशाख ८ गते
ललितपुर । ललितपुरमा बिदेशी ब्राण्डको नक्कली मदिरा बनाउने कार्य र कारोबारमा संलग्न तीन जना पक्राउ परेका छन् । ललितपुरको महालक्ष्मी नगरपालिकामा कारखाना सञ्चालन गरेर ब्ल्याक लेबलसहितका विदेशी मदिरा बनाउने कार्यमा संलग्नलाई प्रहरीले पक्राउ गरेको हो ।
यस्तै सो कम्पनीमा नेपाली मदिराको ब्राण्ड पनि नक्कली बनाउने गरेको पाइएको हो । उपत्यका प्रहरी कार्यालयको टोलीले विशेष सूचनाका आधारमा दोलखाको कालीञ्चोकका निरज पौडेलसहित तीन जनालाई पक्राउ गरेको हो ।
प्रहरीले एक जना सञ्चालक र दुई जना विक्रेतालाई पक्राउ गरेको जनाएको छ । उक्त मदिरा कुपण्डोल, नयाँ बसपार्कलगायतका क्षेत्रबाट विक्री हुने गरेको खुलेको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
