स्वास्तिक हेल्थ केयर सेन्टरको उद्घाटन

सरिना महर्जन

ललितपुर । ललितपुरको ताल्चिखेलमा रहेको स्वास्तिक हेल्थ केयर सेन्टरको आज उद्घाटन भएको छ । सो उद्घाटन बसन्त पञ्चमीका साथै स्वरस्वती पुजाको शुभअवसरमा व्यवस्थापक क्षेत्रबहादुर थापा र प्रमुख अतिथि पूर्व जर्नल शुसिल राज कार्कीद्वारा भएको हो ।

सो अवसरमा उक्त हेल्थ सेन्टरले ३ दिन विशेष छुटसहित निशुल्क स्वास्थ्य परीक्षण गरिने हेल्थ केयर सेन्टरका अध्यक्ष डा. अमृत थापाले जानकारी दिए । उनका अनुसार 'स्वास्थ्य जीवन सुखी जीवन' भन्ने मूल नाराका साथ सो केयर सेन्टर सञ्चालनमा ल्याइएको हो ।

आधुनिक प्रविधिको प्रयोगद्धारा उपचार सेवा उपलब्ध गरिने अध्यक्ष थापाले बताए । साथै सबैले सुलभ स्वास्थ्य सेवा पाउँन भन्ने हेतुले आफूहरुले उक्त केयर सेन्टर खोलिएको अध्यक्ष थापाको भनाइ छ । उक्त केयर सेन्टरमा अनुभवी चिकित्सकहरुको निगरानीमा स्वास्थ्य सेवा प्रदान गरिनुका साथै विभिन्न प्रकारको रोगसम्बन्धी उपचार सेवा उपलब्ध रहेको छ । उद्घाटन समारोहमा ललितपुर–१४ का वडाध्यक्ष अमृत जंग महत लगायतको सहभागिता रहेको थियो ।