Apr 28 2025 | २०८२, वैशाख १५ गते
Apr 28 2025 | २०८२, वैशाख १५ गते
काठमाडौं । म्याग्दीमा आज दिउँसो जिप दुर्घटना हुँदा एक जनाको ज्यान गएको छ । मंगला गाउँपालिका-२ काफलगौरमा थाइवाङबाट बेनीतर्फ आउँदै गरेको ग१ज ६९३८ नम्बरको बोलेरो जिप दुर्घटना हुँदा अन्य सात जना घाइते भएका छन् ।
मृत्यु हुनेमा सोही गाउँपालिका १ की ६० वर्षीया फौमाया गर्बुजा रहेकी छिन् । दुर्घटनामा परेर गम्भीर घाइते भएकी उनको उपचारको क्रममा बेनी अस्पतालमा मृत्यु भएको जिल्ला प्रहरी कार्यालय, म्याग्दीले जनाएको छ । घाइते मंगला-२ की ३४ वर्षीया सन्तु केसी, १० वर्षीया सिवानी कसी र पाँच वर्षीया रिवान केसीलाई थप उपचारका लागि पोखरा पठाइएको छ ।
मंगला-१ की १५ वर्षीया बबिना परियार उपचारपछि घर पठाइएको छ भने मंगला-२ की २२ वर्षीया विपना कार्की, मङ्गला-१ का ३८ वर्षीय तेजबहादुर गर्बुजा, मंगला–२ का ५० वर्षीय भूमिकला नेपालीको बेनी अस्पतालमा उपचार भइरहेको छ ।
ओरालो सडकमा जिप पल्टिएर दुर्घटना भएको थियो । जिप चालकलाई नियन्त्रणमा लिएर थप अनुसन्धान थालिएको प्रहरीले बताइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
