ललितपुर । मुलुकभरका उद्योग वाणिज्य संघहरु मध्ये ललितपुर उद्योग वाणिज्य संघ एउटा पुरानो र सशक्त संघका रुपमा चिरपरिचित छ । संघको नयाँ नेतृत्वको दावी गर्दै भरत लाल जोशीसहितको समूहले उम्मेदवारी दिएको छ । उनै अध्यक्षका प्रत्यासी भरत लाल जोशीसँग अनलाइन पत्रिकाको ललितपुर व्यूरोले गरेको कुराकानीको सम्पादित अंश  । 

१. ललितपुर उद्योग वाणिज्य संघमा यहाँको अध्यक्ष पदमा उम्मेदवारी दिनुभएको छ । यहाँको उम्मेदवारी किन ?
- ‘इमान्दारिता, पारदर्शीता र दूरदर्शिता–उद्योगी ब्यवसायीहरुको हकहित हाम्रो प्रतिवद्धता’ भन्ने मुख्य नाराका साथ हाम्रो टिम अगाडी बढेको छ । त्यसलाई नै समेटेर अगाडि बढ्ने उद्धेश्यले मैले उम्मेदवारी दिएको छु । यसमा हाम्रो सिङगो ब्यवसायीको टिम छ । 

२. यहाँको टिममा कस्ता ब्यक्तिहरु हुनुहुन्छ ? तपाईको टिमले नै जित पक्का गर्छ भन्ने लाग्छ तपाईँलाई ?

- म झ्यालबाट आएको होइन ढोकाबाट आएको हुँ । त्यसैले झ्यालबाट आएकोलाई होइन ढोकाबाट आएको व्यक्तिलाई निर्वाचित गर्नुहोस् । हाम्रो टिममा अनुभवी व्यक्तिहरुको सम्रिश्रण भएकोले हाम्रो टिम बलियो र शसक्त भएर अघि बढ्नेछ भन्ने विश्वस्त छौ । हाम्रो टिमले उद्योग वाणिज्य संघलाई बलियो र शसक्त बनाउनेछ । त्यसैले हाम्रो टिमको पोल्टामा जित सुनिश्चित छ मेरो यसमा दुईमत छैन ।

३. तपाईँको जित्ने मन्त्र के हो ?
हामी सामुहिकरुपमा अगाडि बढ्रन यस क्षेत्रमा आम उद्यमी ब्यवसायीको हकहितको सुनिश्चितताकालागि प्रतिवद्ध छौं । हाम्रो टिममा रोज्ने भनेको हाम्रो एजेण्डालाई रोज्ने हो । हामी इमान्दारीतापुर्वक पारदर्शी तरिकाले अगाडि बढ्छौं । हामीमा पदादर्शीता र इमान्दारीता छ । हामी नयाँ सोच र योजनमा साथ अगाडि बढ्ने योजनामा छौं । 

४. अन्त्यमा के भन्नुहुन्छ ?

हाम्रोलाई होइन राम्रोलाई जिताउनुस् । त्यसले दीर्घकालसम्म फाइदा पु¥याउँछ । सबैलाई मेरो समूहलाई अत्याधिक बहुमतका भोटका साथ जिताउनुहोस् भनेर आग्रह गर्न चाहन्छु । हामी व्यवसायीहरुको आशालाई निराशामा परिणत गर्ने छैनौं ।