Apr 07 2025 | २०८१, चैत २५ गते
Apr 07 2025 | २०८१, चैत २५ गते
काठमाडौं । नेपालले चालु आर्थिक वर्षको पाँच महिनामा ६ करोड बढीको मोबाइल फोन चार्जर ल्याइएको छ । भन्सार विभागका अनुसार साउनदेखि मंसिर महिनासम्ममा ६ करोड ४६ लाख ५४ हजार रुपैयाँको चार्जर आयात भएको हो ।
नेपालले ९ वटा देशबाट चार्जर आयात गरेको छ । जसमध्ये सबैभन्दा धेरै चार्जर चीन र भारतबाट आयात भएको विभागले जनाएको छ । भन्सार विभागको तथ्यांक अनुसार चालु आर्थिक वर्षको पाँच महिनामा चीनबाट मात्र चार करोड ३० लाख ४७ हजारको चार्जर आयात भएको छ । भारतबाट एक करोड ४१ लाख ६१ हजार रुपैयाँ बराबरको चार्जर आयात भएको हो ।
यस्तै, अष्ट्रेलियाबाट १४ हजार, इथियोपियाबाट ८ हजार, हङकङबाट १२ हजार, जापानबाट ७ हजार, न्युजिल्याण्डबाट १ हजार, युकेबाट १ हजार, भेटनामबाट ७४ लाख ३ हजारको चार्जर आयात भएको छ । यसबाट सरकारले २ करोड २ लाख ११ हजारको राजश्व संकलन भएको विभागले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
