सुनाकोठीमा पिङ्ग पूजाको रौनक (फोटोफिचर)

ललितपुर । ललितपुर महानगरपालिका २७ सुनाकोठीमा आज पिङ्ग (पिठ) पूजा भएको छ । पिङ्ग (पिठ) पूजा सिकमी धाः बाजाको आयोजनामा भएको हो । उक्त पूजामा १८ बाजाहरु रहेको आयोजकले जानकारी दिए ।

सिकमी धाः बाजा सुनाकोठीका बाजा मध्ये पुरानो र सबै भन्दा अग्रता दिएको सिकमी धाः बाजाका अध्यक्ष मान भक्त महर्जनले बताए । ४० दिनसम्म प्रत्येक दिन साँझ दिप प्रज्वल दिनेलाई पिङ्ग (पिठ) पूजा बुझिन्छ ।

कोभिडको कारणले रोकिएको पिङ्ग (पिठ) पूजा ४ वर्ष पछि संचालन गरिएको हो । कला, संस्कृति तथा चिवहाल (चैते) बाट शक्ति प्राप्त हुने विश्वासले दिप प्रज्वल गरिन्छ ।

यस्तै, उर्जा जलश्रोत तथा सिंचाईमन्त्री पम्फा भुसालले कला, संस्कृति सम्पदाको संरक्षण र विकासमा स्थानिय तहबाट पनि सहयोग गरेर कला संस्कृतिलाई माया गर्नुपर्ने बताइन् । कला संस्कृति सम्पदा संरक्षणका लागि अक्षय कोषहरुको खडा गरी त्यसको ब्याजबाट अगाडि बढ्नु पर्ने बताइन् ।

ललितपुर महानगरपालिकाका मेयर चिरीबाबु महर्जनले कला, संस्कृतिका लागि सहयोगमा कुनै कमी नहुने जानकारी दिए ।