ललितपु । ललितपुर उद्योग वाणिज्य संघको राजस्व समितिद्वारा आयोजित ‘‘उद्योग व्यवसायमा कर प्रणालीको प्रभाव बारे’’ एकदिन अन्तरक्रिया कार्यक्रम सम्पन्न भएको छ । उक्त कार्यक्रम ललितपुर उद्योग वाणिज्य संघका अध्यक्ष मनोज बहादुर न्याछ्योको सभापतित्वमा भएको हो । 

न्याछ्योले आर्थिक विकासका लागि व्यवसाय सम्बन्धि निति नियमको आवश्यक भएको जानकारी दिए। उनले यस कार्यक्रमले ललितपुका उद्योगमा नेतृत्व विकसलाई अझै प्रभावकारी र सहजीकरण बनाउनका लागि महत्व भएको बताए । न्याछ्योंले आफूले हरेक व्यवसायीको समस्या टिपोट गरी सोको हल गर्नाका लागि महानगरपालिका समक्ष उक्त कुरा पेश गर्ने जिकीर गर्नुभयो ।

प्रमुख अतिथि ललितपुर महानगरपालिकाकी उपपप्रमुख मन्जीला शाक्यले ललितपुर महानगर समवृद्ध भएका व्यापार व्यवसाय राम्रो हुने बताइन् ।

शाक्यले नगरपालिकालाई राज्यको रुपमा सोचौँ, करको कारणले नकारात्मक नसोच्न र नगरपालिका सबैको भएकाले कुनै समस्या भएमा नगरपालिकामा आएर आफनो गुनासोहरु राख्न अनुरोध गरिन् । शाक्यले महानगरपालिकाले अर्को वर्षमा थप सेवा पु¥याउने प्रतिवद्धता दिनुभयो ।

विशेष अतिथि ललितपुर महानगरपालिका राजस्व प्रमुख प्रेम थापाले आर्थिक वर्ष २०७९ /२०८० को कर दर र छुट व्यवस्थापन सम्बन्धि जानकारी दिए । महानगरपालिका र उद्योग संघसँग समन्वय गरेर अगाडि बढाउने अपेक्ष व्यक्त गर्नुभयो । 

यस्तै, आन्तरिक राजस्व कार्यालय ललितपुर-२ का कर अधिकृत खडानन्द पाण्डेले आर्थिक अध्यादेश २०७९ले प्रदान गरेका छुट तथा सुविधाहरुको विषयमा जानकारी दिए ।

 वरिष्ठ अर्थविद् प्राध्यापक डा. चन्द्रमणि अधिकारीले कर प्रणाली सम्बन्धि प्रष्ट हुनुपर्ने र करको कारणले व्यापार, आयात, निकासि आदिमा राज्य व्यवस्थापनमा प्रभाव पार्ने बताए । उनले भने, ‘करलाई क्षमताको आधारमा हेरौँ । ’