
Jun 11 2025 | २०८२, जेठ २८ गते
काठमाडौँ । अवैध घरेलु मदिरासहित प्रहरीले विराटनगरबाट ३ जनालाई पक्राउ गरेको छ । अस्थायी प्रहरी चौकी घिनाघाटबाट खटिएको प्रहरी टोलीले अटोमा लोड गरी ल्याउँदै गरेको ४५५ लिटर घरेलु मदिरासहित तीनजनालाई नियन्त्रणमा लिएको हो ।
उनीहरुलाई को १ ह १८६९ नम्बरको टेम्पोसहित नियन्त्रणमा लिईएको मोरङ प्रहरीले जनाएको छ । पक्राउ पर्नेमा विराटनगर-५ बस्ने वर्ष ३६ का दिपेन्द्र अमात्य, बेलबारी-११ बस्ने वर्ष ३७ की सुनिता राई र सोही ठाउँकी ५० वर्षीया शोभा राई रहेको प्रहरीले जनाएको छ ।
मोरङका प्रहरी प्रवक्ता दीपक श्रेष्ठका अनुसार बरामद मदिरा आवश्यक कारबाहीका लागि आन्तरिक राजश्व कार्यालयलाई बुझाईएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij