Jun 12 2025 | २०८२, जेठ २९ गते
Jun 12 2025 | २०८२, जेठ २९ गते
काठमाडौं । सोनाम ल्होसारको अवसरमा राष्ट्रपति विद्यादेवी भण्डारी र प्रधानमन्त्री पुष्पकमल दाहाल प्रचण्डले छुट्टाछुट्टै शुभकामना सन्देश जारी गर्दै स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि र सु–स्वास्थ्यका लागि शुभकामना व्यक्त गरेका छन् ।
राष्ट्रपति भण्डारीले बहुजातीय, बहुभाषिक र बहुसाँस्कृतिक नेपाली समाजका पर्वहरु आपसी सद्भावका लागि महत्वपूर्ण भएको बताउनु भएको छ । तामाङ समुदायको नयाँ वर्ष सोनाम ल्होसारको अवसरमा शुभकामनाको शुभकामना दिंदै राष्ट्रपति भण्डारीले सोनाम ल्होसारले नेपालीहरुबीचको एकतालाई अझै सुदृढ बनाउने र समृद्ध मुलुक निर्माणमा सहयोग पुर्याउने बताउनु भएको हो ।
 (1).gif)
यस्तै, प्रधानमन्त्री पुष्पकमल दाहालले सोनाम ल्होसारको शुभकामना दिंदै नेपालमा ऐतिहासिक र वैज्ञानिक महत्वका पर्वहरु रहेको बताउनुभएको छ । नेपालमा बस्ने सवै जात जातिका आ–आफ्नै परम्परा, पर्व र रीति रिवाज रहेको भन्दै उहाँले देशका सवै सँस्कृतिको एकीकृत स्वरुप नै राष्ट्रिय संस्कृति र पहिचान हो भन्नुभएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
