Apr 03 2025 | २०८१, चैत २१ गते
Apr 03 2025 | २०८१, चैत २१ गते
बिग्रेको सडक मर्मत नहुँदा दुर्घटनाको जोखिम उच्च रहेकोले ट्राफिक प्रहरीले मर्मतमा सक्रियता बढाएको ट्राफिक प्रहरी परिसरका प्रमुख नरेश शाहीले अनलाइन पत्रिकालाई बताए ।
ललितपुर । महानगरीय ट्राफिक प्रहरी परिसर ललितपुरले भत्केको र बिग्रेको सडकमा मर्मतसम्भार शुरु गरेको छ । टिप्पर, मिनि ट्रकआदिलाई माटो तथा बालुवा सहयोग मागेर ट्राफिक प्रहरीले जोखिम रहेका खाल्डाखुल्डी पुरेको हो ।
बिग्रेको सडक मर्मत नहुँदा दुर्घटनाको जोखिम उच्च रहेकोले ट्राफिक प्रहरीले मर्मतमा सक्रियता बढाएको ट्राफिक प्रहरी परिसरका प्रमुख नरेश शाहीले बताए । वर्षाले ललितपुरका विभिन्न ठाउँमा सडक खाल्डाखुल्डी परेका छन् ।
यसो त, सडक मर्मतसम्भार गर्ने काम सडक विभाग तथा महानगरपालिका, नगरपालिका तथा स्थानीय सरकारको हो । तर स्थानीयहरुको गुनासोको सुनुवाई नभएपछि बिग्रेको र भत्केको ठाउँ बनाउन ट्राफिक प्रहरी ललितपुर सडकमा उत्रेको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
