विद्या भण्डारीले गृहमा दिइन् सेवासुविधा फिर्ताको निवेदन

काठमाडौं । एमालेमा फर्किएकी विद्या भण्डारीले पूर्वराष्ट्रपतिका हैसियतमा सरकारले दिने सेवासुविधा फिर्ता लिन भन्दै गृह मन्त्रालयमा निवेदन दिएकी छिन् ।

उनले आजैका मितिबाट लागू हुनेगरी सेवासुविधा फिर्ता गर्न गृहमा निवेदन दिएको उनका सचिवालयका एक जनाले जानकारी दिए । उनका अनुसार सरकारले दिएको सचिवालय सुविधालगायतका सुविधा फिर्ता गर्न निवेदन दिएकी हुन् । घरभाडा र गाडी भने उनले यसअघि पनि नलिएको सचिवालयले जनाएको छ । सरकारले उनका दुई स्वकीय सचिवको तलब र सुरक्षाकर्मी बस्ने घरको भाडा दिने गरेको छ ।

गृह मन्त्रालयका एक अधिकारीले पनि भण्डारीको निवेदन आएको पुष्टि गरे । तर, उनले आफूले निवेदन हेरिनसकेकाले केके फिर्ता गर्न निवेदन आएको हो भन्नेबारे यकिन नभएको बताए ।

भण्डारीले यही १४ असारमा मदन भण्डारी फाउन्डेसनले आयोजना गरेको कार्यक्रममार्फत आफूले एमाले संगठित सदस्यता नवीकरण गरेको जानकारी दिएकी थिइन् । साथै उनले अब आफू एमाले परिवारको सदस्य भएको बताएकी थिइन् ।

भण्डारीले एमालेको आगामी महाधिवेशनबाट अध्यक्ष हुने तयारीका साथ आफ्ना गतिविधि बढाइरहेकी छिन् ।

विद्या भण्डारीले गृहमा दिइन् सेवासुविधा फिर्ताको निवेदन

विद्या भण्डारीले गृहमा दिइन् सेवासुविधा फिर्ताको निवेदन

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय