Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । बुधबार सार्वजनिक बिदा भन्दै गलत प्रचार गरेकाे आरोपमा एक जना पक्राउ परेका छन् । विदा भन्दै सूचना बनाएर नै सामाजिक संजालमा राखेकाे आरोपमा प्रहरीले एक जनालाई नियन्त्रणमा लिएको हाे ।
जिल्ला प्रहरी कार्यालय चितवनले एक युवकलाई नियन्त्रणमा लिएर सोधपुछ गरिरहेकाे छ । यद्धपी, यस विषयमा थप पुष्टि गर्नुपर्ने भएकाले नियन्त्रणमा रहेका व्यक्तिको विवरण भने प्रहरीले खुलाएकाे छैन ।
प्रहरीको केन्द्रीय साइबर ब्यूरोले सामाजिक संजालमा गलत सूचना देखेपछि उक्त सूचना जारी गर्ने व्यक्तिको खोजी गरेको थियो । साइबर ब्यूरोसँग समन्वय गरेर नै प्रहरीले थप अनुसन्धान गरिरहेकाे छ ।
यसअघि, गृह मन्त्रालयले सार्वजनिक गरेकाे विदाकाे सूचनालाई नै ताेडमाेड गरेर उक्त तस्बिर भाइरल गराइएकाे थियाे । गृहमन्त्रालयको लेटरहेडबाट नै सार्वजनिक बिदा भन्दै आजकाे मिति राखेर गलत सूचना सम्प्रेषण गरिएको थियो ।
भाइरल भएकाे सूचनामा सार्वजनिक विदाकाे कारण भने कतारका अमिर शेख तमिम बिन हमाद अल थानीकाे नेपाल भ्रमण लेखिएकाे छ । कतारका अमिर शेख नेपालमा गत वैशाख ११ गते, मंगलबार आएका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
