Apr 02 2025 | २०८१, चैत २० गते
Apr 02 2025 | २०८१, चैत २० गते
काठमाडौं । जापानमा शानशान आँधीको प्रकोप देखिएको छ । धेरै रेल र हवाई उडानहरू रद्द गरिएका छन् ।
यो विगत दशकहरूमा सबैभन्दा शक्तिशाली आँधी हो, जसले आफ्नो बाटोमा आउने शहरहरूमा विनाश गरिरहेको छ ।
जापानको दक्षिणपश्चिमी क्षेत्रमा आएको शानशान आँधीका कारण ६ जनाको मृत्यु भएको छ भने सयभन्दा बढी घाइते भएका छन् । हजारौं जनता बिजुलीविहीन जीवन बिताइरहेका छन् ।
बिहीबार दक्षिणी टापु क्युसुमा २५२ किलोमिटर प्रतिघण्टाको गतिमा आँधी आएपछि सरकारले मानिसहरूलाई सतर्क रहन निर्देशन दिएको थियो ।
अहिले आँधी कमजोर भएको छ । तर, अझै पनि ९० किलोमिटर प्रतिघण्टाको गतिमा हावा चलिरहेको छ ।
अहिले उत्तर–पूर्वतर्फ सर्दै आगामी २४ घण्टामा ३ सय मिलिमिटर वर्षाको सम्भावना रहेको छ । आँधी प्रभावित क्षेत्रमा पहिरो, बाढी र ठूलो क्षतिको चेतावनी दिइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
