Apr 02 2025 | २०८१, चैत २० गते
Apr 02 2025 | २०८१, चैत २० गते
काठमाडौं । भारतको महाराष्ट्र राज्यको पुणे जिल्लास्थित मावल तालुकमा रहेको एउटा निर्माण फर्ममा भएको विष्फोटमा परी घाइते भएका एक नेपालीको मृत्यु भएको छ ।
२२ वर्षीय अजयकुमार बजरंगीप्रसाद मौर्यको उपचारको क्रममा मृत्यु भएको इन्डियन एक्सप्रेसले जनाएको छ ।
मृतक मौर्य परान्दवाडीमा सवारी साधनको स्पेयर पार्ट्स बनाउने कम्पनीमा काम गर्थे । उनी सोही कम्पनीको परिसरमा बस्थे ।
बिहीबार मौर्यले खाना पकाउन चुल्हो बाल्न रासायनिक पदार्थ प्रयोग गरेको स्थानीय प्रहरीले जनाएको छ । तर, उक्त पदार्थ विस्फोट हुँदा उनी गम्भीर घाइते भएका थिए ।
उनलाई उपचारको लागि नजिकैको अस्पताल लगिएको थियो । अस्पतालमा सर्जरी भइरहेको बेला शनिबार उनको मृत्यु भएको हो ।
यस सम्बन्धमा सिरगाउँ प्रहरी चौकीमा आकस्मिक मृत्युको मुद्दा दर्ता गरी थप अनुसन्धान सुरु गरिएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
