Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । बेलायतको म्यानचेस्टर विमानस्थलमा भएको एउटा घटनाको भिडिओ सोसल मिडियामा भाइरल भइरहेको छ ।
भिडिओमा एक प्रहरीले आफ्नो अनुहार भुइँमा टेकेर पल्टिरहेका व्यक्तिमाथि टेजर गन ताकेर कुटपिट गरिरहेको देखिन्छ । त्यसक्रममा प्रहरीले त्यहाँ रहेका मानिसलाई पछाडि बस्न आग्रह गरिरहेको पनि देखिन्छ ।
ग्रेटर म्यानचेस्टर प्रहरीका अनुसार घटना गएको मंगलबार विमानस्थलको टर्मिनल २ को हो । त्यसपछि कोही व्यक्तिलाई गिरफ्तार गर्न प्रयास गरिरहेको प्रहरीमाथि आक्रमण गरिएको थियो ।
यद्यपि, उक्त भिडिओ हेरेर मानिसले आक्रोश पोखेका छन् । बुधबार साँझ सयौँ मानिसले ग्रेटर म्यानचेस्टर प्रहरी कार्यालयअगाडि प्रदर्शन गरेका थिए ।
म्यानचेस्टर इभनिङ न्युजका अनुसार एक प्रदर्शनकारीले त्यहाँ उपस्थित मानिसलाई अब उनीहरू प्रहरीको बर्बरतामा सम्झौता नगर्ने बताएका थिए ।
ग्रेटर म्यानचेस्टर प्रहरीले विमानस्थलमा भएको घटनाबारे एक प्रहरी कर्मचारीलाई डिउटीबाट हटाइएको जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
