काठमाडौँ । काठमाडौँ महानगरपालिकाले सूचीकृत कानुन व्यावसायीका लागि अभिमुखीकरण सम्पन्न गरेको छ । विभिन्न कारणले आफ्ना हक माग्न नसक्नेहरुका लागि अदालतको निःशुल्क सेवा प्रदान गर्न कानुन व्यवसायीलाई अभिमुखीकरण प्रदान गरेको हो ।

महानगरपालिकाले कानुनी सहायता कार्यविधि कार्यान्वयन गर्दै गएको जेठ २ गते निःशुल्क कानुनी सेवा उपलब्ध गराउन सूचना प्रकाशित गरेको थियो । जस्मा इच्छुक   संघसंस्था, कम्पनी, कानुन व्यवसायी र वैतनितक कानुन व्यवसायीका रुपमा काम गर्न प्राप्त आवेदन परेको थियो । 

प्राप्त निवेदनमध्ये निःशुल्क सेवा उपलब्ध गराउन ३ वटा संस्थागत र ९ जनाले व्यक्तिगत आवेदन दिएका थिए । उनीहरुसँगै ५२ जना वैतनिक कानुन व्यवसायी गरी ६४ जनालाई निःशुल्क कानुनी सेवाका लागि सूचीकृत गरिएको छ । सूचीकृतहरुको विषयविज्ञताका हिसाबले देवानी, फौजदारी, कम्पनी/करार, वातावरण, पारिवारिक, संवैधानिक र अन्य विषयसम्बद्ध कानुनसँग सम्बद्ध छन् । 

सूचीकृत कानुन व्यावसायीहरुलाई स्थानीय सरकार र महानगरपालिकासँग सम्बन्धित विषय, प्रचलित कानुन, महानगरपालिकाको अपेक्षा, आचारसंहिताजस्ता विषयमा जानकारी दिनका लागि अभिमुखीकरण गरिएको आचार्यले बताए । 

महानगरपालिकाका कानुनी सल्लाहकार एवं महानगर कानुनी सहायता समितिका सदस्य शेखरप्रसाद पौडेलले, निःशुल्क कानुनी सहायता कार्यक्रम अन्य स्थानीय तहका लागि अनुकरणीय भएको उल्लेख गरे । महानगरपालिकाको केन्द्र र वडामा निःशुल्क सेवा प्रदान गर्दै आएको थियो । यसका साथै अड्डा अदालतमा जाने सेवा पनि निःशुल्क प्रदान गरिने भएको छ । 

अन्तरक्रियामा सहभागीहरुले थालनी गरिएको प्रयासलाई नतिजामूलक र दिगो बनाउने संयन्त्र निर्माण गर्ने विषयमा जोड दिएको थियो ।