काठमाडौं । वाणिज्य बैंकहरुले असार १ गतेदेखि लागू हुने गरी नयाँ ब्याजदर सार्वजनिक गरेका छन् । जसअनुसार अधिकांश बैंकले ब्याजदर घटाएका छन् ।

बैंकहरुको व्यक्तिगत मुद्दती निक्षेपमा औसत ब्याजदर ६.८६ प्रतिशत कायम भएको छ । जेठ महिनामा वाणिज्य बैंकहरुको व्यक्तिगत मुद्दती निक्षेपमा औसत ब्याजदर ६.९९ प्रतिशत थियो । यसरी जेठ महिनाका लागि बैंकहरुको मुद्दती निक्षेप औसत ब्याजदर ०.१३ प्रतिशतविन्दुले घटेको छ ।

यस्तै संस्थागत मुद्दति निक्षेपतर्फ पनि बैंकहरुको औषत ब्याजदर ५.६५ प्रतिशत कायम भएको छ । जुन गत महिनाको तुलनामा ०.१४ प्रतिशतविन्दुले कम हो । जेठ महिनामा संस्थागततर्फ बैकहरुको औसत ब्याजदर ५.७९ प्रतिशत थियो ।

जेठ महिनाका लागि ३ वटा बैंकले मात्रै ब्याजदर बढाएका छन् भने ११ वटाले घटाएका छन् । यस्तै ५ वटा बैंकहरुले भने ब्याजदर स्थिर राखेका छन् ।

बैंकहरूले व्यक्तिगत मुद्दती खातामा तोकेको अधिकतम ब्याजदर (प्रतिशतमा)

बैंक                              जेठ २०८१                 असार २०८१

कृषि विकास                   ५.६६६१                    ५.६६६१

एभरेस्ट                         ६.५                           ५.७५

राष्ट्रिय वाणिज्य              ६.४                          ६.२२

एसबीआई                       ६.३९                         ६.३०

लक्ष्मी सनराइज               ७                              ६.५

ग्लोबल आईएमई            ७.५                             ६.५

कुमारी                          ७.२६                            ६.५६

प्राइम                            ७                                 ६.७५

नेपाल                           ६.७५                             ६.७५

सानिमा                         ६.९                                ६.८

सिटिजन्स बैंक               ७                                    ६.९

नबिल बैंक                    ६.७५                                 ७

इन्भेस्टमेन्ट मेगा           ७                                     ७

सिद्धार्थ                         ७                                     ७

स्ट्यान्डर्ड चार्टर्ड             ७                                    ७

माछापुच्छ्रे                   ७.२६                                ७.५

प्रभु                             ७.५                                 ७.५

एनएमबी                    ७.८                                  ७.६९

एनआईसी एसिया      ७.८                                    ७.६९

हिमालयन                ७.५                                     ८.२५